Археолошки дневник vol.2.1/2 ©

Некој ја прочитал Агата Кристи до своја 14 год. возраст. Некој допрва ја открива, а честопати и се препрочитува едно те исто дело зошто со текот на времето дејствијата се забораваат. На некого повеќе му се допаѓаат филмуваните верзии, на некого книгите. Секој може да ја толкува како сака…

Своевремено на оваа авторка и посветив еден серијал насловен како ,,Агата Кристи и археологијата“, кој се најде публикуван во мојата книга Археолошки дневник, во издание на Аквариус од Скопје. Во него направив обид да ја опишам врската на Кристи со археологијата, земајќи го во предвид фактот што нејзиниот втор сопруг сер Max Mallowan бил археолог и втората половина од својот живот таа ја провела на Блискиот Исток по археолошки ископувања. Истовремено преку него ненападно но активно учестувала во вајање на одредени текови од археолошката светска мисла.

На препорака од Панта Реи на следните линковите можете да ги симнете во оригинал книгите:

- Secret Adversary и
- The Mysterious Affair at Styles

Во меѓувреме на блогот на Реинтелект, сите љубители и заинтересирани за романите на Агата Кристи може да даунлодуваат 26 нејзини книги преведени на српско-хрватски јазик.

Линк: Агата Кристи - download на 26 книги

Информацијата ја поставив прво на Кајмак.от. Целта ми беше да стигне до што е можно повеќе љубители на оваа писателка, но и да го популаризирам малку овој сајт на кој најдобрите вести генерално доаѓаат од блоговите. Но не затоа што му е тоа му е судбина, туку затоа што во моментов на македонскиот интернет простор ретко да има нешто квалитетно, а тоа да не доаѓа од блогосферата.

Agatha Christies`s quotes за археологијата:

Археолозите се најдобри сопрузи, бидејќи покажуваат се поголемо интересирање за жената, колку што таа е постара.

Вие би биле добар археолог, M. Poirot. Имате дарба да го оживеете минатото. Agatha Christie, Murder in Mesopotamia, (1936)

Секој предмет кој е man made, представува артефакт независно од неговата намена. Дали мораат сите артефакти да бидат историски сведоци на нешто? Не мораат, ама ако доаѓаат (посебно) од земјите на Југоисточна Европа по распадот на социјализмот, тогаш сведочат за нивната класификација во групата на општества со геометриски прогресивна неповолна економска состојба и наплив од кинеска роба. Еве три такви современи истовремени артефакти.

Место: Археолошки локалитет Винча
Време: Август 2007
Модели: Колегите археолози

Клучни зборови: archaeology, contemporary, artifact.

Македонската блог сцена е зрела за едно посериозно претставување. Во последните две години се случија настани кои направија база врз чија основа можат да се презентираат одредени сериозни заклучоци. Ќе споменам само неколку од нив:

- огромната читаност и популарност на одредени блогови во споредба со мејнстрим медиумите
- активности на македонски блогери надвор од мк блогосферата во социјални настани
- основање на центарот за Нови Медиуми
- публикување на блог книги
- компетентни луѓе кои ги следат тековите во мак блогосферата како дел од социјалните медиуми и работат на тоа поле
- конференции чија база ја прават токму блогерите со нивните ставови, текстови или презентации итн. итн…

Минатата година на Блогопен 2007 кој се одржа во Нови Сад чинам дека беше присутен само Дарко. Оваа година планирам во Бор да појдам и јас, за сега само како слушател.  Посакувам повеќе блогери да имаат шанса да посетуваат оваков настан, со што би се подигнал стилот на пишување по блоговите, заедно со се дискусиите кои се за сега на исклучително ниско ниво. Предноста да се биде дел од поголемата блогерска заедница на народи кои зборуваат ист или сличен јазик е огромна и нема потреба да елаборирам кои ќе бидат бенефитите, вклучувајќи ги тука искуствата и познанствата со колегите блогери од балканските земји.

Во контекст на овогодинешниот Blogopen 2008 беше распишан конкурс за текст од сајт или блог објавен после 01.10.2007 година. Текстот треба да е напишан на српски, хрватски, македонски или бошњачки јазик и по селекцијата најдобрите ќе бидат публикувани во зборникот Blogopedia 2008. Од она кое го разбрав е дека секој автор може да пријави 2 текста, пријавувањето е лично, а рокот за пријавување на трудовите е 05. 09. 2008 г. На сите кои сметаат дека имаат добри текстови им посакувам успех и доволно храброст да се пријават на конкурсот.

Konkurs za Blogopediju — BlogOpen.eu via kwout

Има блогери кои пишуваат добро. Постојат блогери кои можеби стилски не се толку вични, но затоа пак се шармантни, харизматични, цинични и пред се критички настроени  што по мене е позитивна појава во земја каде критиката отсуствува во секоја област и се сваќа како личен напад или зло. Она што не го научи македонската јавност а со кое блогосферата постојано и удира шлаканици е тоа дека и ,,Критиката може да биде конструктивна“. Сепак, во мој стил би додала, какво седиште - такво гледиште.

Слични записи:

Комуникации - Blogopen 2008
Мечето Ушко - Конкурс за БЛОГОПЕДИЈА
Букарски - BLOGOPEDIJA 2008
Bane Dimitrijević - BLOGOPEDIJA U MAKEDONIJI

Според Законот за Заштита на културното наследство на Република Македонија, Глава I,  Општи одредби, член 11:

”Рекогносцирање” е потврдување на точноста на сознанијата за археолошкото наследство врз основа на претходно извидување на одредена месност.

Поглупа и понеразбирлива дефиниција, здравје!

Наместо тоа поедноставно е да се каже дека проспекција или рекогносцирање  е недеструктивна метода со која се означува пронаоѓање или детектирање на одреден археолошки локалитет, само врз база на површинско набљудување.

Во последната деценија скоро сиот нормален научен свет се стреми кон т.н. non destructive techniques, се со цел на еден поинаков начин да го истражи, заштити и презентира културното наследство. Археолошките ископувања се превземаат само во случаи на градежни кампањи (патишта, населби …) или ризични елементарни непогоди (поместување на земјиште, поплави …) кои довеле локалитетот да мора се ископува, бидејќи тоа е единствениот начин да се заштитат предметите пред тие комплетно да изчезнат од лицето на земјината топка.

Претпоставувам дека оние кои почесто го користат Google Earth, знаат дека во рамките на овој програм е предвидена можноста за изработка на леери кои се комбинација од сателитски снимки и различни бази на податоци. Под Global awareness конкретно има ставка под која може да се бира да се погледне одредено светско културно добро.

Од она кое можев да го видам самата на катедрите по археологија на Балканот а и во Европа, програмата Google Earth доста често се користи за рекогносцирање во рамките на предметите ,,Површинска археологија” и  ,,Методологија на археолошки ископувања”. Во моменов предноста на овој софтвер покрај другото е можноста да се рекогносцира со негова помош  во кризни подрачја како Никарагва, Авганистан, Осетија итн, како и сите пост-воени зони кои се опасни за теренска работа.

Но google и неговите програми не служат само да се откривање (1,2,3,4), туку се и можност на еден прифатлив начин да се подигне свеста и да се информираат луѓето за разните состојби во светот, вклучувајќи го тука и духовното и материјалното богатство. Така тимот на Google пред некое време имаше една необична турнеја во прашумите на Амазон каде на покана од поглаварот на племето Суруити спроведоа обука за користење на интернет со цел користејќи ја технологијата на 21 век членови од племето да постават што е можно повеќе информации за себе

Во меѓувреме Google Earth стана ready-made GIS за целата планета, вклучувајќи ја тука и археологијата како една од поважните категории. Како минува времето согледувајќи ги предностите на оваа технологија, се повеќе го прифаќам начинот преку кој не се регистрира само културното наследство, туку и природните околности (пејсажот) во кое богатството од артефакти и екофакти физички егзистира и претставува неделива интерактивна целина која може да ни помогне преку сегашноста подобро да го разбереме минатото.

Дополнување: Во прилог на постов можам да ја препорачам Find the Archaeology - игра во која логираната заедницата употребува Google Earth за да постира одредена аеро фотографија на археолошки локалитет со цел да се открие каде тој се наоѓа. Аеро фотографијата претставува ресурс за сите археолози и нејзините бенефити допрва ќе бидат искористувани од многу науки.

Поврзани стории:

I have been google maped?!!
Аквадуктот во Скопје се гледа преку Google maps и Google earth
Google map my Аквадукт
You have been google watched through the macedonian carpet
Форумот на Македонска Авијација - ментална релаксација за археологија
Идните археолошки сајтови

Имам колеги кои не залужиле да ја носат титулата археолог. Нив ќе ги препознаете по тоа што кога ќе појдете на ископувањето што го раководат, ќе ви кажат - види кооооллкава дупка сум ископал(а).

Тука ќе парафразирам едно мислење на Емброуз Бирс за логиката. Имено:

Главна премиса: Шеесет луѓе некоја работа можат да ја завршат шеесет пати побрзо отколку еден човек.

Споредна премиса: Еден археолог може да ископа археолошка сонда за шеесет секунди; следи -

Заклучок: Шеесет археолога може да ископаат археолошка сонда за една секунда.

Оф благословен да е артиметичкиот силогизам, така цела земја ќе ја прекопаме…за неколку дена. Што дупки ќе имаме :)))